Sample image

Максім Багдановіч. Цемень

(Ахвярую М.А.Кіц-най)

Я сяджу без агню. Я стаміўся, прамок!
Над зямлёю — імгла, у душы маёй змрок.
О, як пуста у ёй! О, як холадна жыць!
Але вось цераз цемень маланка блішчыць,
Асвячае мне вобраз Хрыста... яго крыж...
Ажываеш, здаецца, душою гарыш.
Але толькі чаму ж так малы гэты час?!
Зноў навокал цемень. Свет зірнуў і пагас.
Не глядзіць на мяне ясны вобраз Хрыста.
Над зямлёю імгла, у душы пустата.

[1909]

Сяргей Балахонаў чытае верш Максіма Багдановіча

Даведка

Максім Багдановіч (1891—1917) — беларускі паэт, празаік, публіцыст, гісторык, філолаг, літаратуразнавец, этнограф, перакладчык, грамадскі і палітычны дзеяч.