Зіма на Дарэчнай вуліцынеартадаксальны беларускі бэйтНа скрадзеным ложку сьпіць змрок
Вайна прымяркоўвае твар
біблейскіх пустых жанчынаў да сьвят
Рэч Паспалітая сьніць
сьцяг на рэйхстагу і мёд
Юны гусар - на дапрос:
"Хто там ідзе?". Цішыня
Сярэдняй Эўропы жах -
штось Аліндарка згадаў
2005
Ноч
Выпрастаныя сьцены
чужых уражаньняў
засьцяць мае чуцьці —
адзінокія кропелькі
вадкага зялеза
на чырвоным палатне
мройнай вайны,
незьнікомай пасьля абуджэньня.
Навошта сядзець,
калі сонца завісла за кратамі хмар?
Заклён паўтараю: "Жывыя!"
Жывыя. Жывы я.
Упэўненасьць заўтрашняй ночы
і бросьня на цэгле п'яной
духмяняць запаленасьць думкі.
Угору паходні. Як вецер,
сьпяшаецца войска Ярылы...
1997, 2005
