Рассякаючы межы

Калыханка для Лізы
1.
Баю-баю, Ліза.
Скончацца капрызы.
Добры Мумі-троль
твой суцішыць боль.
Люлі-люлі, Ліза.
Пазбіраем гільзы.
Вось ён – месяц май.
Пісталет хавай!

Прыпеў:
У гэтых снах ні доння, ні прадоння.
У гэтых днях тунэлі і хады.
Там знікла ўчора, там загіне сёння,
і толькі заўтра ёсць амаль заўжды.

2.
Баю-баю, Ліза.
Спаляць пашпарт візы.
Будзе Мумідол
танчыць рок-н-рол.
Люлі-люлі, Ліза.
Нельга без сюрпрызаў
перайсці мяжу
з кветак і дажджу.

Прыпеў:
У гэтых снах ні доння, ні прадоння.
У гэтых днях тунэлі і хады.
Там знікла ўчора, там загіне сёння,
і толькі заўтра ёсць амаль заўжды.

вясна 2010 г.

Слухаць онлайн: