Кірмашыкі

Яшчэ ў пачатку 1990-х, дзякуючы размоўніку, складальнікам якога быў Арнольд Міхневіч, я пазнаёміўся з некаторымі беларускімі прыказкамі і прымаўкамі. Найбольш з іх мне запомнілася такая: "Дзе Андрэй і Тамаш, там цэлы кірмаш". Менавіта яе я і вырашыў цяпер узяць за ўзор для пераймання, ствараючы ўласныя рыфмаваныя фразачкі з той ці іншай ступенню дасціпнасці, фрывольнасці ды іншых спецыфікацыйных рысаў.

***
Дзе Акім і Агап, там заўсёды пікап.

***
Дзе Барыс наш і Глеб – пахне порахам хлеб.

***
Дзе Міхей і Алег, там і комплекс уцех.

***
Дзе Гапей і Дзяніс, там і Шындлера спіс.

***
Дзе Азар і Кандрат, там амаль гей-парад.

***
Дзе Зміцер і Павел, там усё проці правіл.

***
Дзе Агнія й Антось, там таемнае штось.

***
Дзе Міндоўг і Даўмонт, старасвецкі там понт.

***
Дзе Іван і Іван, там ружовы туман.

***
Дзе Анціп і Кірыл, там анёлы без крыл.

***
Дзе Аліна і Ясь – без спецназу не лазь.

***
Дзе Астафій і Леў, там Геракл чысціць хлеў.

***
Дзе Глухоўскі Змітро, там піпец над метро.

***
Дзе Міхась і Валер, там, брат, зубы не шчэр.

***
Дзе Агата й Варлен – спрэчка йдзе пра шматчлен.

***
Дзе Алёна й Пятрусь, там жыве Беларусь.

***
Дзе Гануля й Лявон, там грыміць патэфон.

***
Дзе Лявон і Гануля, там ракой крамбамбуля.

***
Дзе Сысой і Аўсей, туды й дзевак нясе.

***
Дзе Трыстан і Артур, там шляхецкі глямур.

***
Дзе Трышчан ды Іжота, без табу там пяшчота.

***
Дзе Пацей і Мялет – не знайсці нофелэт.

***
Дзе Улляна й Макей, там адметны хакей.

***
Дзе Анфіса й Мадэст, там тычынка і пест.

***
Дзе Малах і Гертруда, там кахання атрута.

***
Дзе Фандорын Эраст, там каханне – баласт.

***
Дзе Іван і Маруся, там хадзіць не бяруся.

***
Дзе Хадора і Хрол, усю ноч рок-н-рол.

***
Дзе Ягайла й Ядвіга, там да сёння інтрыга.

***
Дзе Настасся і Зося – Клім ад арміі косіць.

***
Дзе Пятрок і Сцепаніда, там не лепшая планіда.

***
Дзе Пракоп і Пратас, там палёты на Марс.

***
Дзе Аўгуста й Рыгор, там пагляды да зор.

***
Дзе Багдан і Вавіла, там не льецца чарніла.

***
Дзе Маркел і Мяркул, там крычаць дзеўкі: “Cool!”

***
Дзе Мінай і Марат – будзь смялей, акрабат.

***
Дзе Тэзэй з Арыяднай – нешта з міфам няладна.

***
Дзе Данута й Багдан, пад дуду там канкан.

***
Дзе Эркюль Пуаро – не схаваеш нутро.

***
Дзе Даніла й Мірон, там заўжды фаўст-патрон.

***
Дзе Платон і Пракоп – да Масквы там падкоп.

***
Дзе Таццяна і Яўген – не размажаш пальцам ген.

***
Дзе Анань і Ахрэм – шмат выразных лексем.

***
Дзе Спартак наш і Крыкс, там ток-шоў не для чыкс.

***
Дзе Глафіра й Клімент – не ляжыць інструмент.

***
Дзе Персей з Андрамедай – хрэнь якаясьці следам.

***
Дзе Хвядот і Харлам, там хрусць і папалам.

***
Дзе Паўліна й Адольф, там не йдуць гульні ў гольф.

***
Дзе Даліла й Самсон, там цырульнік Кабзон.

***
Дзе Піліп і Адэля, там мой кум на арэлях.

***
Дзе Кузьма і Альжбета, там і сродак, і мэта.

***
Дзе Грэнуй Жан-Батыст, там тхне постмадэрніст.

***
Дзе Тадэй і Марыся, там, Сярожа, змірыся.

***
Дзе Няфёд і Малах – на ўвесь горад лах-лах.

***
Дзе Прохар і Несцер, там без санкцыі шэсце.

***
Дзе Людміла й Руслан, там і якасны план.

***
Дзе Антоній і Ніна, не гарчыць там рабіна.

***
Дзе Тамаш і Адам – малачка па сто грам.

***
Дзе Ганулька й Васіль, там дрыгва на сто міль.

***
Дзе Мікіта і Наста, там каханне і баста!

***
Дзе Карына й Андрэй – стаіцызм вядзе рэй.

***
Дзе Францішак з Малгрэтай – Вільня без інтэрнэту.

***
Дзе Кастусь і Валеры, там спецслужб да халеры.

***
Дзе Дыяна й Цімур – з глузду з’ехаў амур.

***
Дзе Макс Ота фон Шцірліц – шмат скінхэдскіх патыліц.

***
Дзе Марына й Аркадыё, там нярускае радыё.

***
Дзе Марына і Марыё, там з грыбамі аварыя.

***
Дзе Марына і Марка, там не змоўкне пляткарка.

***
Дзе Мар’ян і Марына – лёгка быць балерынай.

***
Дзе Марына й Мікола, там купальская “Cola”.

***
Дзе Марына й Арсень – танцы-шманцы штодзень.

***
Дзе Багдан і Марынка, там у роце смяшынка.

***
Дзе Марына й Іраклій – шмаравідла без паклі.

***
Дзе Марына і Сідар, там ні швэдар, ні світэр.

***
Дзе Марына і Юра, там у шкляначцы бура.

***
Дзе Марына й Карніла – Маша Сашу прысніла.

***
Дзе Марына й Лжэдзмітрый, там фінальныя цітры.

***
Дзе Ляксандра Марыніна, там і дзюдзікаў скрыні, на!

***
Дзе Рамео й Джульета, там не ў шафе шкілеты.

***
Дзе Каміла і Санта – мне чамусь не да Канта.

***
Дзе Мікіта й Мікула, там шоў-бізу акулы.

***
Дзе Сцяпан і Няжыла – у мяшку знікла шыла.

***
Дзе Лаура й Франчэска – плача вершамі фрэска.

***
Дзе Алесь з Міхалінай – Бог рыдае над глінай.

***
Дзе Сяргей і Святлана – добра ўсё занядбана.

***
Дзе Дзмітрый і Вольга – віст да ночы пад вольхай.

***
Дзе Вакула й Аксана – чорта б’юць партызаны.

***
Дзе П’еро і Мальвіна, там між імі дравіна.

***
Дзе Вікторыя й Віктар – заікаецца дыктар.

***
Дзе Уладзь і Максім – крук мудзілам усім.

***
Дзе наш Жоржы Амаду – містыцызм дае чаду.

***
Дзе Марыя й Хуан, там і Вешчы Баян.

***
Дзе Ігар і Лада, там чызкейкаў багата.

***
Дзе Яўсей і Аіда, там Ева транзітам.

***
Дзе Яўхім і Агапа, там з валоку канапа.

***
Дзе Даўспрунг і Анфіса, там бязладдзе з абсцысай.

***
Дзе Адарка і Вітаўт, там шмат сэксу нібыта.

***
Дзе Аўдоцця й Вілора – правіць баль мікрафлора.

***
Дзе Любоў і Аманда, там хвастом наша банда.

***
Дзе Ларыса і Патрык – Чэсь зайшоўся ад ятры.

***
Дзе Сапрон з Магдаленай, там Масква па калена.

***
Дзе Малання й Піліп – снайпер вочкамі лып.

***
Дзе Рурык і Рафік, не дзяшовы там трафік.

***
Дзе Агата Крысці – з неграў шмат карысці.

***
Дзе Вілена й Сталіна, там усохла каліна.

***
Дзе Ляксей і Віталь, там крывавіцца даль.

***
Дзе Сцяпан і Аўгук, там з бульбульканнем гук.

***
Дзе Анжэла і Каця – семкі там за багацце.

***
Дзе Хатабыч і Волька, там чароўная болька.

***
Дзе Язэп і Аркадзік, там усё ў шакаладзе.

***
Дзе Ірына і Юра, там туд-сюд шуры-муры.

***
Дзе Ваван і Бахыт, там для вас мегахіт.

***
Дзе Адась і Анеля, рэхам там: “Schneller! Schneller!”

***
Дзе Шурык і Ліда, там шэдэўры на плітах.

***
Дзе Ліза і Серж, там ураз пошлы верш.

***
Дзе Лерка й Кірылка, кожны кут там курылка.

***
Дзе Сент-Экзюперы – свой цынізм прыбяры!

Гомель, чэрвень - ліпень 2010 г.