Бомж з-пад танку на плошчы Паўстаньня
Марыць з кубачкам кавы штораньня:
"Зробім танку рамонт,
і тады - поўны ход -
каралеўскае, блін паляваньне..."
Камуніст з Гаспадарчай Алеі
Падзабыўся, што значыцца "Ленін".
Ноч вагаўся бядун:
Ці тампон, ці шампунь,
Ці то якасны крэм для галеньня.
РНЕшнік смаркаты зь Сяльмашу
Летуціць пра вялікую Рашу.
Ды матуля ізноў
Яго кліча дамоў:
"Перастыне вячэра, Абраша!"
Чарнабровая girl з Хатаевіча,
Двох хлапцоў абяцанкамі цьвелячы,
Не рашыцца ніяк:
Любіць Шніпа й сабак,
Возіць сена дадому ізь лецішча.
Блізарукі кіроўца з Хмяльніцкага
Згледзеў дзеўку з харошымі цыцкамі.
Не ўпісаўся ў віраж
І цяпер пра пасаж
Баіць горку праўду мужыцкую.
Прадавачка марозіва з Пушкіна
Вельмі спрытна настройвае вушкі на
Любы камплімэнт
Ды ў адказны мамэнт
Кавалерам памахвае ручкаю.
Патрыёт з "40 год БССР"
Павагаўся й набыў нэсэсэр.
А цікаўны сынок,
Назву чуўшы ня ў толк,
У набытак банальна насер.
Адналюб літаратар з Прудка
Ад фартуна чакае квітка
На шчасьлівы цягнік,
Хоць, папраўдзе, прывык
Заставацца заўжды ў глумаках.
Запанелая панначка з Баўмана
Ў
інтэрнэце шукала каханага.
Нашукалася ўшчэнт.
Хай жыве
інтэрнэт!
Ды цяжарнасьць чамусьці рэальная.
Раз гісторык з Герояў
Падпольшчыкаў
На заробках у братняй нам Польшчы быў.
Трохі
грошай скапіў –
Два пярсцёнкі купіў,
Ды жаніўся адно толькі
збольшага.
Экстрэмалка-бухгальтэрка зь
Мільчы
У АБЭЗ выслухоўвала спічы
Зь сініх воч
яскрынёй
І з усьмешкай адно
Годнай пэндзля маэстра да
Вінчы.
Будаўнік кінадуб з
Рагачоўскай,
Паглядзеўшы блёкбастэр Вачоўскіх,
Быў узрушаны
шмат
І ў тры ярусы мат
Клаў, як блёкі, на "Матрыцу"
дзёрзка.
Акрабатка брыклівая зь
Песіна
Крыж, як глянуць, някепскі павесіла
Паміж стрункіх
грудзей.
"Гэй, а хто там ідзе?", -
Мужыкі азіраюцца
весела.
Чыстакроўны расеец з
Чангаркі
Любіць вельмі ад бульбы прыгаркі.
Ад
сей
странной любви
Ўсе запасы спаліў,
Дзьве патэльні, пліту
й скараварку.
Марсыяначка з вуліцы Маркса
Есьць
"Спартак", ненавідзячы "Марса",
І цукерак хатуль
Шле ў
гасьцінчык адсюль
На плянэту радзімую факсам.
Прасталытка на Мельніцкім
Лузе
Рэшту цноты змачыла ў калюзе.
Ды не ныла дарма,
Ёй
жа гора няма,
бо кліент ейны быў, ёсць і будзе.
Бабадур і картыжнік з
Працоўнай
Загуляў раз з мадамай цудоўна
Ў покер, віст, у
любоў.
З глузду прочкі пайшоў –
джокер мела ў спадніцы
князёўна!
Трансвэстыт дамарослы з
Транзытнае
Паліць "West" і мяркуе пра бытнае:
"Тут – быцьцё,
там – нябыт,
Іншым быць трэба спрыт.
Дык жа ў сукню скачу з
порткаў спрытна я!".
Апэратарка пэйджынгу зь
Пінскай
Па натуры была вельмі слізкай.
Ды знайшоўся
хлапчук,
Які ўмеласьцю рук
Сьлізь прыбраў. Працавіты
хлапчыска!
Маркетоляг тугі з Аўэрбаха
Для
разводу набыў чарапахаў,
Жаб, вужоў, шчэ й казла.
Жонка ўміг
задала
Драпака, лaхі ўзяўшы пад пахі.
Прадпрымальны чувак з
Перамогі
Сваю жонку любіў да зьнямогі,
Сыпаў грошы ўвесь
час,
А яна ж у адказ,
Яму з золата зладзіла рогі.
Рагвалодаў унук з
Рагавога
Беларускай валодаў ці многа,
То ж і выйшаў
канфуз:
Раз купіўшы
гарбуз ,
Не
кавун
жор, а
тыкву нябога.
Гістэрычка з праспэкту
Кастрычніка
З малых год ненавідзела клічнікі.
А калі
падрасла,
Зьнелюбіла ўдвая,
Бо ў іх бачыла знакі
фалічныя.
Кветкавод шалапутлівы з
Дынды,
Неаднойчы быў жонкаю біты
За віно і за шлюх,
Ды
штодня нёс ёй – Зух! –
як не ружы, то хоць
гіяцынты.
Маладая пясьнярка зь
Сялянскай
Шанавала аральныя ласкі.
Толькі ейны
дружбак
Штось араў абы-як,
Неласкава й зусім не
па-наску.
Непрызнаны поп-ідал з Палескае
сабе пуза наеў ажно трэскае.
Вось жа кажа, што сэкс,
як музычны працэс
вымагае спанатры някепскае.
Сухапутны матрос з Касманаўтаў
Ведаў шмат пра славянаў і балтаў,
аб шрубах і балтах,
пра цугундэр і швах,
таму й верыў у сьветлае заўтра.
Языкаты выкладчык з Сухога
пачынаў дзень са шклянкі сухога
й дальш за градусам бег
ці то ў дождж, ці то ў сьнег,
пеў студэнтам, што ў бога дзён многа.
Кучаравы скінгед з Касьцюкоўкі
учыняў неймверныя бойкі.
Ды адзін піянэр
яго ўзяў за каўнер
і абстрыг каля барнае стойкі.
Чарнакніжнік бялявы з Чарнігаўскай
Меркаваў учыніць
free fly in the sky.
Ды чароўны заклён
нечканы даў плён.
“Nevermore” – крук крычць зь
тьмы кладбищенской...
2001-2009 гг.
Выказваньні чытачоў
Міхал з Хатаевіча 24.12.2006. 0:36
А дзе-ж гэта ў нас такая дзеўчына жывець?
Балахонаў 27.12.2006. 21:18
Ёсьць зьвесткі, што чарнабровая girl канчаткова здардзіла і двум сваім хлапцам, і пагатоў Шніпу з сабакамі, выйшаўшы замуж за канадца ды зьехаўшы за акіян :)
