Беларускі пісьменнік і перакладчык адгукнуўся на трагічныя падзеі 11 красавіка ўласнай кампазіцыяй, запісанай у жанры эмбіент. Літаратар з нядаўняга часу эксперыментуе ў музыцы і быў настолькі ўзрушаны навіной пра выбух у мінскім метро, што ў ноч з 11 на 12 красавіка стварыў кампазіцыю, якую ён прэзэнтуе на «Тузіне Гітоў» на знак спачування і салідарнасці.
Сяргей Балахонаў прызнаецца, што мінскія падзеі 11 красавіка яго моцна ўсхвалявалі. Літаратар працуе настаўнікам у школе, але пэўны час не мог прымусіць сябе нешта зрабіць — ні пісаць, ні рыхтавацца да ўрокаў. Выйсце эмоцыям Сяргей знайшоў у музыцы. Апошнім часам ён пачаў музычныя эксперыменты і заснаваў уласны праект, што працуе ў рэчышчы эмбіенту (ambient).
«Я быў вельмі ўзрушаны трагедыяй, што здарылася ў мінскім метро. І гэтае ўзрушанне шукала свайго выйсця, знайшоўшы яго ў кампазыцыі «Мінск. Метро 2011». Я стварыў яе ў ноч з 11 на 12 красавіка, перабываючы ў шоку ад здымкаў і відэа з месца трагедыі», — кажа аўтар.
Сваю кампазіцыю Сяргей Балахонаў прэзентуе на інтэрнэт-партале «Тузін Гітоў» на знак спачування і салідарнасці.
Спампаваць кампазіцыю:
Сяргей Балахонаў — Мінск. Метро 2011
Альтэрнатыўныя спасылкі: sites.google.com
diveshare.com
Паводле: «Тузін Гітоў» і «Тэзэй беларускага постмадэрнізму», 13.04.2011
