Аляксандр Цімафееўскі
Песня кракадзіла Гены
Хай бягуць, як няўклюды
мінакі між калюгаў,
а вада, быццам плыня ракі.
І не ўцяміць нікому,
для чаго ў дожджык з дому
выйшаў я ды й вясёлы такі.
Эх, іграй жа, мой гармонік,
каб дзівіўся пешаход.
Не зашкодзіць – дзень народзін
толькі раз на год.
Чараўнік завітае
ў гелікоптэры сінім
і бясплатна пакажа кіно,
павіншуе са святам
і, напэўна, дасць рады
падарыць мне пяцьсот эскімо.
Эх, іграй жа, мой гармонік,
каб дзівіўся пешаход.
Не зашкодзіць – дзень народзін
толькі раз на год.
1971 (?) г.Пераклаў з расійскай 21 лістапада 2009 г. Сяргей Балахонаў паводле тэксту «Песня Крокодила Гены»
Сцягнуць падкаст: Сяргей Балахонаў - Песня кракадзіла Гены (podcast) [1,62 Мб]
