Віртуальнае і зямное

Рамштайн
Ты мне сказала: "Найн".
Падумаў я: "Гітлер капут",
гучна ўрубіў Рамштайн,
трываючы цяжар пакут.

Немцы вялі свой рэй,
каб фаеру даць і дыхту,
раілі: "Не дурэй",
калі рыхтык вёрз я лухту.

Зрывала каханне дах,
і гонты ляцелі ўсе прэч,
і справы былі спрэс швах,
і цяжар не падаў з плеч.

Немцы вялі свой рэй,
каб фаеру даць і дыхту,
раілі: "Не дурэй",
калі рыхтык вёрз я лухту.

Сонца, не грэўшы больш
(стомлены бог накшталт),
брала ахвяры ўсё ж,
бо ўпадабала гвалт.

люты 2010 г.