"Священная война" па-беларуску

Сьвятарная вайна
Паўстань, краіна волатаў,
На люты бой ставай
Супроць цямрэчных поглядаў,
Супроць варожых зграй.

Прыпеў:
Хай люць высакародная
Ня будзе ведаць дна,
Ідзе вайна народная,
Сьвятарная вайна!

Як скрані процілеглыя
Мы ворагі ва ўсім,
Бо мы ваярства белае,
Яны ж пякельны дым.

Прыпеў:
Хай люць высакародная
Ня будзе ведаць дна,
Ідзе вайна народная,
Сьвятарная вайна!

Дамо адпор зьнішчальнікам,
Забойцам сьветлых дум,
Гіцлям і прыгнятальнікам,
Што чыняць хіжы глум!

Прыпеў:
Хай люць высакародная
Ня будзе ведаць дна,
Ідзе вайна народная,
Сьвятарная вайна!

Ня сьмеюць крылы чорныя
Айчыну ў змрок хаваць,
Ня сьмее нівы родныя
Адлюдак дратаваць!

Прыпеў:
Хай люць высакародная
Ня будзе ведаць дна,
Ідзе вайна народная,
Сьвятарная вайна!

Нячысьціку варожаму
Ўватнём у сэрца кол,
Драпежніку найгоршаму –
Навек магільны дол!

Прыпеў:
Хай люць высакародная
Ня будзе ведаць дна,
Ідзе вайна народная,
Сьвятарная вайна!

Адзінай рушым сілаю,
Насуперак, назлом!
За Бацькаўшчыну мілую,
За наш Вялікі Дом!

Прыпеў:
Хай люць высакародная
Ня будзе ведаць дна,
Ідзе вайна народная,
Сьвятарная вайна!

Усёй краінай волатаў
На люты бой ідзем
Спыніць цямрэчу поглядаў,
Спыніць варожы зьдзек!

Прыпеў:
Хай люць высакародная
Ня будзе ведаць дна,
Ідзе вайна народная,
Сьвятарная вайна!

1941 г. (?)

Пераклад: 2009 г.

Арыгінал: "Священая война"