Танечкі – злыя недзіцячыя вершыкі, якія пішуцца па ўзору хрэстаматыйнага верша Агніі Барто "Мячик":
Наша Таня громко плачет:
Уронила в речку мячик.
– Тише, Танечка, не плачь:
Не утонет в речке мяч.
Танечкі***Наш Кірылка лямантуе –
у яго засохла туя.
Эх, Кірыл, не лямантуй,
шчэ наросціш сабе туй.
***Генця вяне, быццам кветка –
лоб разбіла табурэткай.
Сцішся, Генця, макаў цвет!
Не завяне табурэт!
***Яраслаў лье слёзы ў стрэсе –
хтось сабак яму навесіў.
Ярык, досыць ужо слёз!
Ты ж і сам яшчэ той пёс!
***Наш Юрко не бачыць свету,
бо працёр да дзірак кеды.
Ну-тка ж, Юрка, глянь на свет –
свет прыўкрасны, як твой кед.
***Наш Анціпка з кіслай мінай –
хтось настрой яго абрынуў.
Анцік, хопіць кіслых мін,
а то бацька схопіць дрын!
2010 г.
